4748/2025-2026

Dated Aizawl, 9th March 2026: Vawiin khan Commerce, Industries, Geology & Mining Department Minister Pu F Rodingliana’n Chapchar Kut 2026 lawmna puala buatsaih ‘Handloom, Textiles, Handicrafts Exhibition, Food Processing & Food Court’ Lammual Tlang-a buahsaih a hawng.

Chief Minister Chairman-na hnuaia din Chapchar Kut, 2026 Organizing Committee rawtna angin Kum 2026, Chapchar Kut lawmna atan Commerce, Industries, Geology & Mining Department chuan he exhibition hi a buatsaih a, ni nga chhung (March 9-13) chhung awh tur niin he exhibition-ah hian a hnuai ami ang hian stall hawn a ni.

1. Handloom & Textiles- 68 stalls
2. Handicrafts - 15 stalls
3. Food Processing - 12 stalls
4. Food Court - 35 stalls

Heng bakah hian PM Viswakarma scheme hnuaia thil siam chhuah pho nan stall-1 leh Shakti Sadan tan stall-1 a awm bawk.

Handloom Exhibition bik atan hian Development Commissioner (Handloom), Ministry of Textiles, Govt. of India atangin Handloom Marketing Assistance hnuaiah sum hmuh niin, Food Processing-ho tan erawh MFME hnuaiah stall sak sak an ni.

Nikum 2025 Chapachar Kut Handloom Exhibition-ah khan ₹128.00 lakh lai hralh chhuah a ni a, kumin-ah hian hmun hma ten a zir bawk a, hei aia tam hi hralh chhuah ngei an beisei a ni.