2173/2026-2027

Saitual, the 10th September, 2026: Vawiin khan Commerce, Industries, Geology & Mining Department Minister, bialtu MLA ni bawk, Pu F. Rodingliana chuan leiminin a tihchhiat Ngopa Community Health Centre a tlawh.

Ngopa CHC hi nikum khan leimin avangin OPD Building leh choka-te luah ngam lohin a awm a, sak that tuma hmalak mek a nih laiin, nimin tlai dar 5:15pm vel khan ruah sur nasa tak avangin hospital building la ding lai thenkhat leh kal kawng te chu a min a ni. Tun dinhmunah hian Chhimveng YMA Hall-ah Joint NGO te puihnain damlo te leh Office bungrua te chu dah lailawk a ni.

Vawiin khan Minister hovin official-te leh khawtlang hruaitute VC House-ah an thukhawm a, OPD building chu a rang lama thiah tura rel niin, Youth Development Centre (YDC), Ngopa High School Veng ami chu OPD anga hman rih a ni ang. He Ngopa CHC bulding hlui thiah leh lei min zel tur laih rualrem chungchanga hma la tur hian Ngopa BDO kaihhruaina hnuaiah working committee din ni se tih rel a ni a, VC leh khawtlang tanghova hnatlang beihpui thlak ni se tih rel a ni bawk. Ngopa CHC thar tur hi khum 50 lenga sak that tura ruahman a nih dawn avangin a hautak dawn hle a, leimin in a tihbuai tak si avangin a rang lama hmalak a nih theih nan a remchan dan anga MLA fund leh Department hrang hrang atanga thawh khawm tura rel a ni bawk.

Minister Pu F. Rodingliana hi Ngopa CHC Medical Officer Dr. Lalrintluangi Pachuau leh CHC staff ten an lo dawngsawng a, Dr. Lalthanpuii, Addl. Director, Dir. Of Health Services, H&FW Department, Pu Srinivas Sadi, Deputy Commissioner, Saitual District, Samuel Malsawmzuala, BDO, Ngopa, Hmingthansanga, SDPO, Saitual, Er. H. Lalthanpuia, Sr. EE, Public Works Department, Er. Lalramsanga, Sr. Executive Engineer, Dir. Of Health Services, H&FW Department, Er. B Rothangliana, Executive Engineer, Khawzawl Power Division, P&E Department leh Pu V. Lalbiakmawia, Geologist, Directorate of Geology and Mining ten an tawiawm a ni.