Vawiin chawhma khan School Education Minister Pu H. Rohluna chuan a bial chhung Teikhang khuaa BADP sum hmanga sak Indoor Stadium a hawng. He Indooor Stadium  vawiin a hawn tak hi kum 2014-2015 khan cheng Nuai 10 lakhs hmang a sak tan a ni a, a kum leh 2015-2016 khan Nuai 15 hmuh belh leh niin chumi sum hmang chuan sak zawh a ni ta a ni. A  chhung cheibawlna leh  a sak zawhfel nan MLA Fund atrangin Cheng 4,50,000/- hman a ni bawk a ni. He Indoor Stadium len zawng hi 40 feet leh 60 feet a ni.

            He Indoor Stadium hawnna inkhawm ah hian bialtu MLA  Minister Pu H. Rohluna chuan infiamna lama hmasawn phah ngei nana hmang turin khaw mipui te a fuih a, nimahsela sawrkar hmalakna hrang hrang hmanga hmasawnna te hi khaw mipui a bikin thalaite inremlohna thlentu ni lova, khaw hmasawn tak ni a Mizoram tihmingthatu  tam tak rawn chher chhuaktu ni tura a duh thu sawiin Sawrkar hmalakna hmanga Teikhang khuaa Indoor Stadium changtlung tak leh tha tak a awm thei chu a lawmpui zia thu a sawi bawk.

             Vawiin vek hian Hrianghmun khuaah MUP  Building, BADP Fund 2016-2017 sum Rs .5 lakhs hmanga sak chu Minister hian a hawng bawk.