June 19 khan Mizoram sawrkar chuan Mizoram Drug( Controlled Substances) Act, 2016 dan hnuaia Section 42(1) tlawh chhanin ruihlo ngaite enkawlna hmun siamtuten an zawm ngei tur thupek a hnuaia mi ang hian a siam.

1. Treatment and Rehabilitation centres(Ruihlo Ngaite enkawlna in) chuan Social Welfare Department hnen atangin Certificate of Accreditation an nei tur a ni.

2. Treatment-cum- Rehabilitation Centre enkawl dan tur siam anga hmalak tur a ni a. He inkaihhruaina dan sawrkarin a siam hi a tul dan anga tih danglam a la ni dawn a. Heng dan dinglai leh dan la siam belh tur te zawng zawng chu Ruihlo ngaite enkawlna hmun siamtuten an zawm vek tur a ni. Dan zawm lo te chuan centre an enkawl chhunzawm thei lo ang.