Minister Pu H.Rohluna, Geology and Mineral Resources etc., chuan vawiin chawhma khan Geology and Mineral Resources Department a tlawh a.

Minister hian G&MR Office leh an Laboratory te endik in G&MR Conference Hall a programme buatsaih ah a tel nghal a.He hun ah hian thusawi in Sawrkar in hma a sawnna tur chuan Department hrang hranga thawk te chu team inlungrual tak anga thawhhona tha neih a pawimawh thu a sawi a. Hna lian deuh thawk te leh hna te zawk te an inlungrual loh chuan Department a thang thei lo tiin inlungrualna leh hna a rinawm a pawimawhna a sawi a. Sawrkar hnathawkte chuan an eizawnna an dah pawimawh hmasak ber a tula, rawngbawlna a ngaiin office hunchhung an vawndik hle a ngai a ni a ti.

Sawrkar kalphung pangngai hi a that tawk viau rualin Technology thar, hmasawnna rahbi dapchhuah kan tum tur a ni atia. Tih dan pangai chhunzawm a kal ringawt lo hian hmasawnna tur in leh ram tan ngaihtuahna kan sen tlan a ngai a ni a ti a.Gas zawnchhuah kalpui mek hi Mizoram economy tana thil pawimawh em em a nih avangin G&MR hmanraw neih mek te pawh hna a thawhpui theih em tih hriat a hun tawh a, cheithat a ngai anih pawh hmalak vat a ngaih thu sawiin G&MR Laboratory pawh ti phuisui thuai turin geology & Minining department thuneitute chu a hrilh a ni.

Geology & Mineral Resources Department chuan report pe in April 2013 - March 2014 chhungin Minor Minerals atangin Revenue Rs. 21,660,004/- an hmu a, Petrol Exploration License atangin Revenue Rs. 23,507,510/- hmu leh in a vai a sum an hmuh tling khawm chu Rs. 45,167,514/- a ni.