Ni 13.10.2014 atanga 15.10.2014 thleng khan Helen O Grady, Mizoram, Ministry Of Information & Broadcasting hnuaia Children’s Film Society of india leh Cinedarbaar te thawkho chuan naupang pualin Film festival, “2nd Travelling Players” tih chu St.Paul’s Higher Secondary School, Government Zemabawk Higher Secondary School leh Vanapa Hall ah te a huaihawt a. Festival hi St.Paul’s Higher Secondary School, Zemabawk Higher Secondary School, ARELLS School leh Gospel Centenary School zirlai ten an chhim a ni.

He hunah hian tleirawl leh naupang ten film thianghlim, zirtirna tha leh ngaihtuahna ti zau zawnga film hman tangkai dan te kawh hmuh tum a ni a. Film chhuah zawh kar lak apiang ah sawihona hun neihpui tura ruahmanna siam a ni.Film siam chungchang a tuina an neih theihna Quiz, film review leh script writing chungchang te pawh zirtir an ni ang a. He mi denchhena a competion buatsaih atanga write up thazual thlan chhuah te hi Book for Children on Cinema buatsaih a nih hun ah telh a ni ang.

2nd Travelling Players hi Maggie L Ralte, Programme coordinator, Helen O Grady leh Ritika Sapra, Programme Associate, Cinedarbaar ten an kaihruai a ni. Film Fest huaihawttu te leh zirlaite hian film fest hi an hlawkpui thu leh chhunzawm leh atan a that thu an sawi a ni.