Vawiin khan Mamit DC Conference Hall-ah Minister Pu John Rotluangliana hovin Pradhan Mantri Awas Yogana- Housing For All (Urban) hnuaia District Screening Committee thutkhawm a ni a. Pi Lalbiaksangi, District Bawrhsap, District Screening Committee Chairman ni bawk chuan a kaihruai a ni.

He hunah hian Minister Pu John Rotluangliana chuan kal khawmte hnenah lawmthu sawiin a bik takin Bank hotute chu a tam thei ang ber Loan pe chhuak a, anih tur ang ngeia he Scheme hi hmang turin a chah.

Vawiina District Screening Committee thukhawm hian Credit Link Subsidy Scheme (CLSS)- ah Loan diltu eng emaw zat atangin mi 40 ( Sawmli) an thlang fel a. Heng mite hi Screening Committee-in uluk taka a ngaihtuah hnua a thlante an ni a. Bank hotute pawh harsatna dang a awm loh chuan Loan hi pe ngei tura beisei an ni.

District Screening Committee Members tel te chu Addl.DC Mamit, SDO Sadar Mamit, Asst. Settlement Officer Mamit, SBI Branch Manager Mamit, MRB Branch Manager Mamit, Mizoram Co-operative Apex Bank Branch Manager Mamit, Join VC Chairman Mamit bakah District Project Officer (NLUM), Member Secretary ni bawk leh Official dang te an tel a ni.