Vawiin chawhma dar 11:00AM khan Siaha District Superintendent of Police Office bultumin DC’s Conference Hall-ah “ Siaha Anti- Drugs Campaign” hawnna hun hman a ni. He hun hi Pu Francis L. Ralte , Addl.SP in a kaihruaia, PU RT.Zachono CEM, MADC chu khuallian a ni.

He “Anti- Drugs Campaign” hi thuanghniha kalpui tum a ni a, a thuangkhatna-ah ‘RUIHHLO LAKLUH DANCHAH’ leh a thuanghnihna-ah ‘RUIHHLO HMANNA/HRALHNA TIHREM’ a ni a. Ruihhlo dona kawnga chak taka hmalak a nih theih nan NGO te, VDP te, Excise Department leh Police Department te tangkawpin Joint Action Committee din tum a ni a. Ruihhlo chungchanga Awareness Campaign pawh School leh College-ah te neih thin tum a ni a. He mi atan hian “Anti- Drugs Pamphlet” leh Ruihhlo hlauhawm zualte hnathawhdan ziahna “Compendium” te buatsaih tawh a ni bawk.

Vawiin Campaign hawnna inkhawmah hian khuallian mai bakah Pi Harleen Kaur IAS, Bawrhsap, Pu Shank Dhar Mishra IPS, SP , Pu R.Laldinsanga, Superintendent of Excise, Pu T.Chatlua, President, MTP(Hqrs) leh Pi. Chaki President, M.CH.P( Hqrs) ten thu sawina hun an hmang bawk. Pu R.Laldinsanga Superintentdent of Excise chuan Ruihhlo avanga thihna hi Siaha District-ah chuan kum 1984 khan in tanin, mi 2 an thi a. An thi tam ber kum chu 2004 khan mi 143, mipa-122 leh hmeichhia 21 an thi a ni. Kumin 2016, January atanga vawiin ni thleng hian Ruihhlo avangin mi 45, Mipa-37 leh hmeichhia-8 an thi tawh a ni, tihin Report a pe bawk.

Vawiin Campaign hawnna inkhawmah hian Head of Office te, NGO hrang hrang aiawh te, Chanchinbu mi te, VC Member te leh Zirtirtu te leh Zirlai sawm bik te an tel kim hle a ni. Anti- Drugs Campaign leh a kaihhnuai thil-ah “Zawhna leh Chhanna” hun hawn niin, Pu SD Mishra IPS, SP leh Pu R.Laldinsanga, Superintendent of Excise ten an chhang a ni.