Minister of Tourism, Food & Civil Supply, etc. Pu John Rotluangliana chuan Champhai leh a chhehvela Tourist Lodge enfiah a kalin, vawiin khan Hnahlan leh Zokhawthar ah a kal. Minister hi Parliamentary Pu T.T. Zothansanga bakah KVI Board Chairman Pu K. Lianzuala leh Tourism Director Pu Vabeiha Hlychho leh Department hotu dangten an tawiawm a ni.

Minister Pu John Rotluangliana chuan Hnahlan Tourist Lodge tlawhin, a ramri a leiminna hmun a enfiah a. Engineer-te nen retaining wall sak dan tur an sawiho nghal a ni. Hnahlan-ah vek hian Minister hian Supply Department kudam sakna tur hmun a enfiah a. Khaw pasarih chawmtu Hnahlan Supply kudam hi nuai 125 chuangin hnathawktute quarter tur nena sak tura ruahman a ni.

Minister leh Parliamentary Secretary-te hi Hnahlan khaw mipuiten lo hmuakin, Minister chuan Hnahlan khaw mipuite chu an thawhrimna rah sengin grep thar leh wine hralhchhuah ah te leh NLUP hlawhtlinna an thar a ni, a ti a. Pu T.T. Zothansanga pawhin kar hmasa lama Taiwan mithiam lo kalte thurawn chu Sorkarin ngaipawimawhin, hma lak a tum thu leh, mipuite pawhin thahnemngai taka Sorkar an tawiawm zel a beisei thu a saw bawk a ni.

Chawhnu lamah Minister-te hian Zokhawthar Tourist Lodge tlawhin, thawktute nen an inkawm a. Myanmar leh India inrina hmun pawimawh tak anih avangin tih hmasawnna atana hmalak zel dan tur te an sawiho. Nimin khan Tourism Minister hian Champhai Tourist Lodge a endik tawh a. Building thar tur kum 2011 atanga sak mek hi a a satu in a sak chhiat bakah, a rei tawh em avangin sa chhunzawm tawh lo tura tih a ni a. A sak hna hi PWD in  thawh  chhunzawm tawh tura tih a ni.