Vawiin chawhma dar 11:00 khan Saiha DC’s Conference Hall-ah BBBP Awareness Campaign Closing Function Programme hman a ni.

He  Sawrkar laipui programme Beti Bachao Beti Padhao(BBBP) ( Save the Girl Child)  Campaign hi Saiha District-ah March ni 6 khan  tan a ni a. Saiha District chhunga thingtlang khua zawng zawngah he campaign beihpui hi thlak a ni a. He BBBP campaign hi DC office, Social welfare, ICDS, Medical leh Saiha District chhunga hmeichhe NGO hrang hrang M.CH.P (Mara Chano Py), LWA( Lai Women Association) leh MHIP te tang ho va neih a ni.

Vawiin BBBP closing function hi Pi Marilyn Rualzakhumthangi, SDO(S) in a kaihhruaia, Pu R.Zarzosanga, District Bawrhsap chu khuallian a ni. Closing function-ah hian Nu Naupawm leh Rai mek 300 chuang kalkhawmte hnenah Medical Department leh Social Welfare department atang Mithiam(resource person) ten  zirtirna an pek mai bakah, damdawi leh nutrition te an sem nghal a ni.