Kolasib Bialtu MLA leh FCS&CA Minister ni bawk Pu K. Lalrinliana chuan vawiin khan Kolasib Sports Stadium ah Chanmari Football Club leh Project veng FC te charity match football inkhel chu khuallian niin hun a hmanpui.

Minister chuan Mizoram Football club tha leh lar Chanmari FC leh Project Veng FC inkhel tur kolasib tual zawlah ngei ruahman thei ani chu thil lawmawm tak niin hei hian kolasib thalai infiammi te chu nasa taka phurna leh chona a pek a rin thu a tarlang. Football bakah game hrang hrang ah mizo te chuan hma kan sawn nasa em em a, mi tumruh leh mahni inthunun thei mi tan chuan infiamna chu eizawnna tling ani a ti.
Hockey Khawvela mizo te min pholang tu kolasib nula Lalremsiami ngei pawh tumruhna nen kawng a zawh a, hlawhtlinna kawng a zawh mek ani tiin hei hian thlalai infiammi te chona a pek ngei a beisei thu sawi bawkin mi harsa zawk te tana buatsaih charity match chu thil chhinchhiah tlak tak ani a ti.

Chanmari FC President Pu Zothantluanga  chuan Project veng FC ten damlo mi harsa zawk te tana charity match an buatsaih chu midangte tana luanchhuah na hun remchang tak niin malsawmna a thlen ngei a beisei thu sawiin thil intihmuh chi tak ani a ti. Football match inkhel tur te chu nungchang mawi tak chhuah a inkhel turin a chah bawk a ni.

Charity football match atanga ticket man leh donation lut te hi kolasib District Hospital poor fund a tan hlan ani dawn a ni.

Attachment

  • Loading attachment...