Kolasib Bialtu MLA leh FCS&CA Minister nibawk Pu K. Lalrinliana chuan a Department chan zinga mi Supply Kudam sakṭhat na tur ruahmanna alo siam tawh chu vawiin ni 31/8/2019 zing khan asak ṭhat dan tur te ahmun ah kal in a en fiah.

Tuna Kudam  awm mek hi adung Feets 100 leh avang Feets 30 a ni a, sakṭhat anih hunah chuan adung feets 120 leh avang feets 40 a sakṭhat a ni dawn a, a sak dan tur chungchangah hian ruahmanna chi hnih awm chu buk tawn mek a ni a, ruahmanna pakhat zawk ah chuan tuna  Kudam awm mek hi thlanglam ah tawlh thlak a sak ṭhat a ni a, hemi a nih dawn chuan Staff Quarters pahnih leh DCSO Office ṭhiah angai dawn a, heta harsatna awmthei chu Buhfai phur Lirthei ke 12 nei ten harsatna erawh an tawk deuh dawn niin alang.

Ruahmanna pahnihna ah chuan tuna Kudam chhak lama sak a ni a, chhak lama sak a nih dawn chuan Staff Quarter pakhat leh DCSO Office ṭhiah angai dawn bawk a, tin, Kudam chung hi DCSO Office atan ruahman nghal mai te pawh thil remchang tak a nih a rin thu Minister Pu K. Lalrinliana chuan a sawi.

Kudam sak chhunga luah hawh tur Tuiṭhaveng Hall pawh en nghal niin Buhfai dah theih tura peih ṭep a ni a, hun rei lo te ah luahluh mai theih a ni ang. Tuiṭhaveng khawtlang hruaitu te hma ah Minister hian thusawiin, khawtlang mamawhna hria a phal taka an Hall man lo an hmantir phal mai chu lawmawm atih thu asawi bawk.

Attachment

  • Loading attachment...