FCS&CA Minister leh Kolasib A/C bialtu MLA ni bawk Pu K Lalrinliana chuan Nimin khan Kolasib Tumpui veng YMA din cham Vawi 77 lawmna hun chu khuallian niin a hmanpui.

Khuallian chuan YMA thupui pakhat 'hun awl hman that' tih chu tunlai mizo society a thil pawimawh em em mai ani a, hun awl chu a tha zawnga hman a pawimawh hle a chhungkaw tan, thenawm khawveng tan, khawtlang tan leh Ram leh Hnam tan engtin nge mi tangkai ka nih theih ang ti a mahni inzawh fo hi a tul ani a ti bawk. Hemi bakah hian zofate hmasawnna tur ngaituah a ngai ani tiin Pu K Lalrinliana chuan zofate kalphung ah entawn tlak tam tak a awm a, Ringtu kan nih angin Hnam dang lakah kristian nun dan tha leh mizo nunze mawi chu kan lanchhuahtir fo a tul a ni a ti.

Minister chuan Intodelhna chungchang sawiin Mizo Incheina chi hrang hrangin kan inthuam/inbel thin a, a tah, a thui te chu Mizo kut hnu pawh ani thei mahse a la (raw material) kan intodelh loa Ram dang atangin kan lalut ani a ti a, hemi bakah hian Mizoram mamawh thla tin buhfai quintal nuai 1100 chuan chu state dang atanga lakluh ziah ani tiin hei hian kan la intodelh loh zia a hril thui hle a, vawi leh khata siam that vek theih chu a nilo ang Amaherawh chu Intodelhna thinlung pu chunga hma kan lak a hun tawh takzet ani tiin Mizo te chu Hnam intodelh kan lo nih theihnan ngaituahna senga hmala turin kalkhawm te a sawm bawk a ni.

Khuallian chuan Tumpui Branch YMA leh Rualbanlo C Malsawmzuali te hnenah lawmpuina na leh tanpuina sumfai a hlan a, 
Khuallian hi Sub Hqrs YMA  hruaitute bakah Branch hruaituten tawiawmin he hunah hian zo zan hman a ni a, inelna/infiamna hrang hranga lawmman la te hnenah lawmman sem nghal a ni.