1334/2022-2023

Kolasib dated 23rd July 2022: Tukin khan All Mizoram Karate Association, Kolasib District buatsaihin Țumpui Community Hall-ah All India Karate Championship 2022, Chhatisgarh-a neih a Kolasib district ațanga Mizoram Team aiawha tel, medal late lawmpuina hun hman a ni a. Pu K.Lalrinliana, Minister of State, Food, Civil Supplies and Consumer Affairs Department, Kolasib Assembly constituency bialtu MLA chuan lawmpuina thuziak leh thilpek a hlan a ni.

Minister Pu K.Lalrinliana chuan rilru leh taksa hriselna atan a mahni inthunun theihna leh inrintawkna neihna turin Karate chu hmanraw pawimawh tak a nih thu sawiin Kolasib district ațanga Mizoram tihmingțha turin medal 6 lai hawn thei an awm chu lawmawm a tih thu a sawi.  Khawtlang leh ram tan a mi țangkai ni turin an thiamna leh theihnate hmang turin a chah a, mahni inthununtheihna nghet tak nei chung a ruihtheih thil lak a fihlim tlat turin All Mizoram Karate Association, Kolasib District member-te chu a fuih bawk a ni.

He hun hi Pu Jerome Rochhunga, President, AMKA, Kolasib district-in kaihruaiin Pu Zoremmawia Hlondo, Secretary-in report a pe bawk a ni. 
Bilaspur Chhattisgarh-a All India Karate Championship - 2022 , ni 15-17 July 2022 chhunga neih zawh takah Mizoram Team-a tel Kolasib aṭanga kalten Medal 6 an la a. Mizorm Team hian Karateka 22 leh Official 4 a tir a, a vaiin Medal 14 (Gold 2, Silver 3, Bronze 9) an la a ni. 

Kolasib mi Medal late chu:
1. Jacinta F. Lallawmzuali - Silver (Kata)
2. Isaak Lalpianhuna Hlondo - Bronze (Kumite)
3. R. Lalrinkima - Bronze (Kumite)
4. Abraham R. Lalhmingsanga - Bronze 2 (Kata & Kumite)
5. Miriam C. Vanlalmalsawmzuali - Bronze (Kumite)

Attachment

  • Loading attachment...