3781/2022-2023

Kolasib dated 8th March 2023: Vawiin khan I & PR Conference Hall, Project Veng, Kolasibah Ex-Servicemen League Sub-Hqrs, Kolasib District chuan Assembly vawi 40-na an hmang a. Minister Pu K.Lalrinliana chuan khuallian ni a hmanpuiin Hony. Capt. Lalkhawmliana (Retd.), President chuan hun a kaihruai. Member boralte sunna hun leh member kum 80 chunglamte chawimawnna hun hman a ni bawk.

Minsiter Pu K.Lalrinliana chuan ram tan a nunna thap a an ?hatlai hun hlantute chu zahna chibai bukin khawmpui vawi 40-na hun thawl tak hnuai ah hmang thei a an awm chu a lawmpui thu a sawi a. Hna atanga an chawlh hnu ah pawh khawtlang tan a mi ?hahnemngai leh khawtlang kawng dik a kaihruaitu an ni ?hin te, Ex-Servicemen a?angin ram kaihhruaina kawng a thawhhlawk tak tak an awm ?hin te chu fakawm a tih thu a sawi. Hindi ?awng thiam intihhmuhna kawng ahte, taksa insawizawi kawng ahte leh hrisel tur a insumtheihna leh mahni inthunun kawng ahte mizo ?hangtharte entawntlak a awm chhunzawm zel turin Pu K.Lalrinliana chuan Ex-Servicemen te chu a chah bawk a ni.

Maj. Z. Pachuau (Retd.), DSW & RO chuan thusawiin Sainik Welfare & Resettlement Office chu Ex-Servicemen-te tan a thawktu an nih angin a mamawhtute tan engtiklai pawhin ?anpui turin an inpeih reng thu a sawi a, Sawrkar hnuai a Ex-Servicemen te tan a ham?hatna awm te zirchiang ?hin turin kalkhawmte a chah.

Ex Nk Zonunmawia, Secretary tarlan danin Ex-Servicemen League hi kum 1977-a din niin Kolasib district chhung ah member 600 chuang an awm mek thu leh Kolasib khaw chhung ah member 160 bawr vel an awm thu a sawi a. 2019 atanga 2023 inkar khan member 33 boral an awm thu leh member kum 80 chunglam 25 an awm mek thu a sawi bawk a ni.