No.621/2021-2022


Kolasib dated 21st May 2021: Vawiin chawhnu khan Food, Civil Supplies and Consumer Affairs Department Minister Pu K.Lalrinliana chuan Kolasib district-a Covid-19 positive hmuhchhuahte enkawlna hmun, Jordan Home, Sethawn a tlawh a, an mamawh eitur leh thawktute hman tur bungrua engemaw zah a hlan nghal bawk a ni. 

Heng thilpek dawn zingah hian Arsa, Buhfai, Alu, Tel leh thildangte a tel a, thawktute hman tur hmaituamna a tel bawk a ni.


Vawiin chawhnu vek khan Bualpui VLTF-te chuan Jordan Home a Covid-19 positive enkawl laite eitur mamawh hrang hrang, Buhfai, Alu, Purun sen, Dal, Chana, Tui intur leh thil dang thahnem tak an hlan bawk a. Pu Lalruatkima, Chairman, Bualpui VLTF chuan Dr. Doris Lalnunmawii Sailo, DMS hnenah heng thilpek te hi a hlan a ni.


Jordan Home, Sethawnah hian medical lam atangin thawktu 5 an awm a, chung zinga Doctor 1, Nurse 1 leh Multitask helper 1-te chu volunteer tur a inpe an ni a, Police duty 6 an awm bawk a ni. Tun ah hian Covid-19 Positive mi 124 enkawl mek an ni a, Jordan Home CCC-ah hian Covid-19 positive mi 200 thleng enkawl theih tur a ruahman a ni.

Attachment

  • Loading attachment...