Pu. K. Lalrinliana, Food, Civil Suppplies & Consumer Affairs Department, Local Administration Department leh Fisheries Department changtu Minister chuan vawiin khan Khawzawl District a khaw thenkhat tlawhin a department chan mek hnuaia hmalakna hrang hrangte a tlawh a ni.

Minister hian tukin khan Khawzawl Kawnzar a  supply kudam hmun tura ruahman a en a, he hmun hi bigha 21 a zau niin FCI lam pawhin he hmun hi tha an tih thu dawn a ni a, Minister chuan hmalak ngai tur ang ang chak taka bawhzui a nih tur thu a sawi a ni. Hemi zawh hian Kawnzar Supply kudam quintal 7000 leng 2013 a sak leh
Hermon Veng Supply kudam kum 1999 a sak hun engemaw chen chhung luah tawh loh, staff quarters te a tlawh nghal a, heng kudam dinhmun te hi enfiah a, hmalak ngai awm te pawh a tul ang ang a umzui a nih tur thu a sawi bawk a, hemi hnu hian Khawzawl khawchhunga a department enkawl office hrang grang DCSO, DFDO, DLAO leh Inspector of Legal Metrology, Khawzawl District office sakna tur hmun te a tlawh a, Khawzawl Darngawn veng a Martarte thlanlung a tlawh bawk a ni. Minister hi Khawzawl DC Pu H. Lianzela leh department official pawimawh ten an tawiawm a ni.

Khawzawla tukthuan a eizawhin Minister hian  Chawngtlai a tlawh a, Chawngtlai khua a tlawmngai pawl hrang hrang hruaitute leh khawtlang hruaitute nen inkawmhona hun an hmang a, Chawngtlai a tlawh zawh hian Khawhai panin Khawhai a Supply Kudam a tlawh a, pawisa awm hunah a rang thei ang bera sak tum a nih thu a sawi.

Khawhai a tlawh hnu hian Sialhawk tlawh lehin supply kudam a en a, he kudam hi kum 2017 a sak zawh niin staff quarters tha tak a awm bawk a ni.