Vawiin khan Govt. Kolasib College (GKC) ah zirlai naupang te tan awareness education campaign on rights and entitlements of persons with disabilities neih a ni.

Resource Person Dr.Lalnunthara, Commissioner, PwD chuan awareness campaign chunchang sawi zauna neiin Sawrkar in ruahmanna chi hrang hrang a siam thu a tarlang a.

Dr.Lalnunthara chuan 2011 Census behchhanin Mizoramah rualbanlo 15,160 (Mipa 8198, hmeichhia 6992) an awm thu tarlangin Sawrkar hna pawh mi 60 velin an hmu tawh a, Sawrkar pawhin rualbanlo Sawrkar hnathawkten an hnathawhnaah harsatna an tawh loh nan ruahmanna siam tur anih thu a sawi bawk.

Sawrkar-a Department hrang hrangah rualbanloten sawrkar hna an hmuh ve theihna turin reservation te buatsaih a nih thu sawiin Rualbanlote tan-a hamthatna hrang hrang awm te dawng tur hian rualbanlo chu a rualbanlohna 40% chin chunglam ani tur ani ati a Central sawrkar pawhin rualbanlote hamthatna hi ngai pawimawh in MZU ah pawh Centre for Disability studies chu 05.07.2018 khan a hawng tawh bawk ani ati.

Dr.Lalnunthara chuan rualbanlo te chu kan hmusitin kan endawng tur a nilo tiin ngaihsak tur leh tanpui turin Pathian in min beisei thu a sawi a, mihring nunah harsatna a awm theuh a chu chu tumruhna leh huaisenna min pe tu a nih theihnan rualbanlo te pawh kan fuih thin a pawimawh thu a sawi bawk.

He hun hi Dr.C.Lalmuankima, Principal, GKC in a kaihruaia Pu Thangchhuana Sailo in lawmthu sawiin hun a khar ani.