2931/2022-2023

Kolasib dated 3rd December 2022: Vawiin khan Mizo Students' Union buatsaihin Pangbalkawn leh Meidumah zirlai titha lawmpuina hun neih a ni a. Pu K.Lalrinliana, Minister of State, Food, Civil Supplies & Consumer Affiars Department chuan khuallian niin a hmanpui.

Zirlai titha lawmpuinaah hian Pu K.Lalrinliana, Minister chuan kawng hrang hrang a hmasawnna a awm theih nan khawtlang hruaitute inpekna fakawm a tih thu a sawi a, zirna in tha leh zirtirtu tha tak tak kan neih te tangkai tak a hmang zel tur a chahin eizawnna kawng hrang hrangah hlawhtlinna chang tur chuan zirna kaltlang a thiamna neih a pawimawh hmasak thu a sawi. Zirlai nih chhung chuan hlawtling tur a zirna lam ah theihtawp chhuah a taima tak a bei turin Minister chuan zirlaite a chah a, khawtlang leh ram tan a mi hmantlak leh tangkai ni turin thiamthil chhawrtlak zir chhuah tum theuh turin a fuih bawk a ni. Meidumah Middle school hmunhma changtlung zawk neih nana ruahmanna a kal mek thu te, PHE department hmalakna hnuai a tui hnianghnar zawk a awm theih nan tui pump nan ni zung chakna hmang tangkai tur a hma lak mek a nih thu te, hmun hrang hrangah Health Clinic Centre bun thar mek a nih thu Minister chuan a tarlang a, heng hmalaknate hi hmasawnna a tak a thlentu a nih theih nan tangkai tak a hmang turin kalkhawmte a chah a ni.

Pu Lalrampanmawia,MSU Finance Secretary, General Headquarters pawhin zirlaite fuihna thu sawiin zirlai nih chhung chuan zirna dah pawimawh ber a tul thu te, tum mumal tak nei leh chumi tihlawhtling tur a theihtawp chhuah a tul thu leh Social media hman chintawk thiam a tul thu a sawi.

Pangbalkawn High School Hall-a hun hmanna hi Pu Vanlalnghaka, Adviser, MSU Pangbalkawn branch in kaihruaiin HSLC zirlai 1, HSSLC zirlai 1 leh B.A pass 1 hnenah lawmpuina hlan a ni a. Meiduma hun hmanna hi Pu Lalchhuanawm, Adviser, MSU Meidum branch in kai hruaiin HSLC zirlai 3, HSSLC zirlai 3 leh BSc. pass 1 hnenah lawmpuina hlan a ni bawk.