No.2319/2021-2022

Aizawl the 23th, Sept' 2021 : Food, Civil Supplies & Consumer Affairs, LAD leh Fisheries Department – te changtu Minister Pu K. Lalrinliana chuan vawiin chawhnu khan PDC Godown, Lunglei dinhmun enin a hmunah a tlawh. Dr. K Pachhunga, MLA leh Vice Chairman Bamboo Development Board, Pu Zothanmawia, Secretary, Food Civil Supply & Consumer Affairs Department, Pi Ramdinliani, Director, Food Civil Supply & Consumer Affairs Department, Official te leh party hruaituten an tawiawm a ni.

Godown a tlawhnaa inkhawm tawi neihah FCS&CA Minister chuan Lunglei DCSO kaihhruaina hnuaia PDC Godown, Lunglei hnathawkte inrelbawlna leh inkaihhruaina felfai tak an nei chu lawmawm a tih thu sawiin mipui mamawh ber ei bar semtu an nih avangin mipui hamthatna dah hmasa zel turin a chah a. PDC Godown mamawh thlen te chu a rang lama nghaihtuah anih tur thu a saw bawk.

PDC Godown enkawltu Pu A. Sanglura , Supply Inspector chuan Godown dinhmun leh mamawh te sawiin Godown tlak lampang retaining wall chim rem that a ngaih thu te, Godown kawtzawl diak siamthat sak te, tuizem dah belh bakah supply buhfai Godown ah buhfai 8000 qts bak a dah theih loh avangin buhfai dah lailawk na tura building ruat chu thawm that a ngaih thu a sawi bawk. Lunglei leh Lawngtlai District a PDC Godown thenkhat Borapansury, Chawngte, Puthlungasih, S. Vanlaiphai leh Sangau ah te October thla daih buhfai chhek khawl anih thu a sawi. Lunglei District khawthlang lamah kawng chhia avangin buhfai phur lamah harsatna tawh mek anih thu tarlangin NHIDCL, Supply Department leh PWD motor hmanga a semchhuah hna thawh mek zel anih thu a report a. PDC Godown atang hian Non-FSA, AAY leh PHH bakah Pradhan Mantri Garib Kalyan Anna Yojana PMGKAY (free ration) retailer te hnenah pek chhuah thin thu a sawi bawk. Godown ah hian Inspector hovin thawktu mi 6 an awm a ni.

Minister leh amah zuitute hian vawiin tlai khan Lawngtlai pan nghalin naktukah PDC Lawngtlai Godown building thar hawnna hun an hmang dawn a ni.