No.2318/2021-2022

Aizawl, 23rd September, 2021 : Assembly Speaker Pu Lalrinliana Sailo chuan tunhnaia a bial chhunga COVID-19 hripui inkaidarh nasatna Khawruhlian khua vawiin khan a tlawh a, Khanpui khua pawh a tlawh tel nghal bawk a ni.

Speaker Pu Lalrinliana Sailo chuan Khawruhlian khawtlang hruaitute hnenah Khawruhlian khawtlangin Covid-19 avanga harsatna an tawk chu pawi a tih thu a sawi a, an harsatnate rang taka a hnena an thlen thin chu a lawmawm tih sawiin, a tih ve theih tur angah hmalakna leh ruahmanna siam zung zung a awlsam phah a, inpawh tlang taka kan tangrual thei hi a lawmawm takzet a, hripui leng do hneh tur chuan kan zavaia kan tanrual a tul takzet a ni, a ti a.

Speaker chuan Pathianin an harsatna tawh a hriatpui reng tih sawiin, Amah au chungin harsatna lian tham a thleng lo turah beisei ila, Pathian zarah kan dam leh vek ngei ang a ti a. Bialtu a nih angin ka theihna zawnah rawn tanpui zel che u ka tum a, a tul ang zelin hma kan la ang tih sawiin, mangang lo turin a chah a ni.

Khawruhlian khuaah hian September ni 18, 2021 atang khan Covid-19 hri hi a darh tana hriat ani a. Total Lockdown puan niin Contact Tracing-te neih nghal a ni a, chhungkaw 100 bawr vel Home Quarantine mek an ni. Vawiin thlengin Sample 58 endik tawh niin COVID-19 hri kai mi 19 hmuhchhuah tawh an ni.

Speaker hian Medical Equipment chi hrang hrang heng :-

1. Oxygen Concentrator2. Thermometer
3. Pulse Oximeter
4. Digital BP Monitor
5. Disinfectant
6. Sanitizer
7. Surgical Gloves
8. PPE
9. Sintex – 2000 litres leh damdawi (vitamin) chi hrang hrang Khawruhlian PHC leh 4C lama a ?ul anga hman turin a hlan bawk a ni.

Speaker hian Khawruhlian a tlawh zawh hnuin Khanpui khua a tlawh chhunzawm a, khawtlang hruaitute nen an khawtlang dinhmun an sawiho a ni.