3409/2023-2024

New Delhi, 20th January, 2024 : New Delhi a cham mek Food Civil Supplies & Consumer Affairs leh Land Revenue & Settlement changtu Minister Pu B. Lalchhanzova chuan a department kaihhnawih thilah sawrkar laipui a dawr.

Minister hian nimin (19/1/23) khan Pi Nidhi Khare IAS, Secretary Land Resources chu kawmin, Mizorama hmalak mekna leh hmachhawp te a sawipui a, ram teh leh chhinchhiahna (Land Record) chak zawka kalpui theih dan tur te, ram lei leh hralh leh thil danga ram inchuh buaina na sa lutuk tih ziaawm theih dan turte an sawi dun a, Digital India Land Record Modernisation Programme hmanga hma lak mek dan te an sawi dun bawk.

Food Corporation of India Chairman Pu Ashok Kumar Meena IAS pawh a office ah kawmin Mizoram in kan rinpui ber Buhfai chungchangah FCI lam te nasa zawka in zar zau turin a ngen a, FCI Chairman hi a lo inhawng hle a, FCI Godown sak belh te, FCI Division Mizoram hawn thar ve a tul thu te, buhfai lei zui zel dan turte inpawh takin an sawi dun.

Hemi bakah hian Pu Kamkhenthang Guite Economic Advisers, Ministry of Consumers Affairs, Food & Public Distribution pawh a office ah a titipui a, Mizorama centre leh home hrang hrangte tana buhfai man tlawm chi a pek mekna Welfare Institution Scheme chungchang te sawiin, WI quata 212 quintal pawh an sanction nghal bawk a, hei bakah hian Consumer Welfare Fund Rs 5 crore an lo sanction tel bawk.

Mizoramin buhfai a leina atan State Level Price Stabilisation Fund hnuaiah center in ruahmanna a siam mek thu a lo hrilh bawk.