1109/2026-2027

Aizawl the 22nd June, 2026: Minister Pu Lalnghinglova Hmar, Aizawl West II bialtu MLA ni bawk chuan vawiin khan a bial chhung Mizoram Institute of Comprehensive Education (MICE), Tuikual North-ah Primary School Section tan naupang uniform pheikhawk 139 a sem chhunzawm.

Minister Pu Lalnghinglova Hmar chuan sawrkar sikulah zirna a tha a; a bikin pawl sang lamah sawkar school-a luh kan intihhmuh a, kan inchuh nasat hle laiin a pawl hniam lamah erawh luh loh kan intihhmuh thung, a ti a. Sawrkar school te hi a belh tlak a, a rintlak a, a tha tawk tih mipuiin an hriat a duh tih a sawi a ni. Bialtu MLA chuan a bial chhunga sawrkar school te tihchangtlunna atan pheikhawk semin bul a tan a, thildang pawh tih zel a tum tih vawiin programme ah hian a sawi bawk.

MICE zirtirtute hnathawh a taka a hmu chu Minister chuan lawmawm a tih thu sawiin, thahnemngai leh taima taka, hmasawn lehzual tuma thawk turin a fuih a ni.

Minister Pu Lalnghinglova Hmar hian June ni 17, 2026 (Nilaini) atang khan Primary School zirlaite bun tur uniform pheikhawk hi a sem tan a, tun tum hi a thawh thumna leh a hnuhnung ber a ni. Hetihian, Pu Lalnghinglova Hmar chuan a bial chhung school pariatah pheikhawk bun 683 a sem chhuak ta a ni.

Bialtu MLA pheikhawk sem programme ah hian zirtirtu leh zirlaite bakah Tuikual North Local Council te leh zirlai nu leh pate an tel a ni.