1110/2026-2027 

Dated Khawzawl, the 22th June, 2026 : Vawiin khan Khawzawl District Level Nasha Mukht Bharat Abhiyan Committee chu DC Pu K. Vanlalthiana kaihhruaiin Nasha Mukht Bharat Abhiyan (NMBA) Week leh International Day Against Drug Abuse & Illicit Trafficking 2026 hman dan tur relin DC Conference Hall-ah an thukhawm.

Khawzawl chhunga school hrang hrangah NMBA Poster/banner tar tura ruahman niin, Chhanchhuahna Home, Grace Camping Centre leh Kimkim Memorial Rehabilitation Centre-te tlawha tanpuina pek tura rel a ni bawk a. June 24, 2026 hian Mualvawm playground atangin DC Office thleng Rally zirlai naupangte nen neih tur a ni a, ruihhlo do chungchang Awareness campaign Govt Sialhawk High Schhol-ah neih tura tih a ni bawk a, High School leh Higher Secondary School zirlaite zingah Painting hmanga intihsiakna buatsaih a ni dawn bawk.

June 25, 2026 hian International Day Against Drug Abuse & Illicit Trafficking hun DC Conference Hall-ah hman tura rel a ni a. He hunah hian ruihhlo do chungchang Hlado Chhama inelna buatsaih a ni dawn a, Khawzawl SP hnen atangin Report on Narcotics and Drugs ngaihthlak a ni bawk ang.