1111/2026-2027

Dated: Mamit the 22nd of June,2026: Vawiin khan DC Conference Hall, Mamit-ah khualzinte kal tamnaa (tourist sites) single-use plastic(SUP) hman khap tur chungchangah Pu Suvigya S Chandra, District Bawrhsap hoin hmalak dan tur relin an thukhawm. 

District Bawrhsap chuan Supreme Court ina thuchhuah a siam angin single use plastic(sup) hman khapna chu Mamit district ah pawh kenkawh ngei a tul a ni a ti a, hemi ti hlawhtling tur hian Sawrkar mai ni lo khawtlang hruaitute nen nasa taka tan lak a ngai a ni a ti. 

Single-use plastic (sarang vawikhat hmana paih leh mai chi) hman khapna chu a bul tan nan Reieka khualzin kal tamna hmun leh LAD park, Mamit a kenkawh tum a ni a, hemi atan hian mipuite hriattir leh awareness campaign neih tum niin hmalak dan tur sawi ho a ni. District Bawrhsap chuan thla tin SUP inspection neih a nih tur thu sawiin inspection team din a ni a, he team hian report thehlutin thupek zawm lo te chungah hmalak a nih tur thu a sawi. 

Pi Betty Lalrinfeli, Reiek BDO chuan Reiek block a SUP hman chungchanga hmalakna leh hmalak tulnaah report a pe a, Pu Lalthuama, DUDO Mamit chuan tawih thei lo leh tawih thei bawlhhlawh paih dan tur chungchang te sawiin VC te chu mipuite hnena awareness tha zawk nei turin a ngen. 

Vawiin thutkhawmah hian hmalak dan tur-action plan siama chumi hmang chuan kal zel dan tur sawi chhunzawm a tul tia rel a ni.