1112/2026-2027

Dated Aizawl, the 22nd June 2026: Vawiin khan District Election Officer (DEO) leh District Commissioner (DC) ni bawk Er. Lalhriatpuia chuan M.C. Hall, Durtlangah leh Zonuam YMA Hall-ahte Aizawl North I leh Aizawl West I-a Electoral Registration Officer (ERO), Assistant Electoral Registration Officer (AERO) leh Booth Level Officer (BLO)-te nen Special Intensive Revision (SIR) chungchangah meeting an nei.

District Election Officer (DEO) chuan Election Commission of India (ECI) in India danpui (Constitution) Article 324 hnuaia SIR a kalpui mekah Mizoram chu India ram state zinga a titha ber kan nih thu a sawi a. He dinhmuna Mizoram a din theih chhan chu thawktute inpekna leh thahnemngaihna vang leh mipuiten sawrkar an thawhpui that vang a nih thu a sawi bawk. BLO-te leh mawhphurhna hrang hrang neitute chu tha taka an tihtur an hlen theihnan duhsakna a hlan bawk a ni.

He hunah hian BLO-te chuan SIR chungchanga an thlen chin te, harsatna an tawh te leh zawhna an neih te sawihona hun an hmang a ni.