942/2025-2026

Aizawl Ni 26, Nikir thla, 2025: Vawiin khan Minister Lalnghinglova Hmar leh PWD miten, Tuikual North, A-Mual, veng mawng ping ni thin chu Khatla Veng nena lirthei inkalpawh theihna turin, kawngpui siamna tura ruahmannate a hmunah kalin an en fiah.

Pu Lalnghinglova Hmar chuan Aizawl Tuikual leh Dinthar veng mipui tam takte harsatna lian tak pakhat chu inkalpawhna kawng tha tawk lo hi a nih thu a sawi a; ruahman danah chuan kawng thar siam tur chuan Govt. JL High School, Khatla atangin Tuikual North a zawm ang a, MICE school thlangah kal zelin Dinthar veng a pawh theih tur thu a sawi. Hei hi tih hlawhtlin a nih chuan Aizawl khawchhunga Traffic Jam thin pawh nasa taka a chhawk ngei a beisei thu sawiin tih hlawhtlin a nih thuai theih nan hmalak mek a nih thu a sawi a ni.

Vawiina kawng siamna tur en honaah hian Minister hi PWD leh I&PR mite bakah vengchhung hruaitu ten an tawiawm a ni.