4565/2025-2026

Dated Aizawl, the 21st of February, 2026: Tukin khan Pu Lalnghinglova Hmar, Minister  leh Aizawl West-II AC bialtu MLA ni bawk chuan a bial chhung Vaivakawn huam chhunga hmasawnna hna thawh tur, Vaivakawn Zohnuai atanga Rangvamual kalna tur kawng chu a hmunah enin hmalak dan tur sawiho nghal a ni.

Vaivaikawn Zohnuai leh Rangvamual inkalpawhna tur kawng siamna tur hian Special Assistance to State for Capital Investment (SASCI) hnuaiah cheng vaibelchhe 5.7 dah a ni a. December 20, 2025 khan bialtu MLA bakah Pu B. Lalchhanzova, Minister, Land Revenue & Settlement Department, Pu TBC Lalvenchhunga, Adviser to CM (Finance), Pu Lalmuanpuia Punte, Adviser to CM (Political) te hovin a hmuna en tawh a ni a. Chumi tuma rel angin PWD in kawng kal dan tur Preliminary Survey an nei tawh a, km 1.4 bawr vela thui tura ngaih a ni.

Hmalak theih dan tur hrang hrang sawiho hnuah Sairang kawnghlui cheithat theih dan tur ennawn leh ni se tih a ni a, kawng chhehvela mimal ram awm dante pawh Vaivakawn Local Council in lo endik in, biak tur tulte an lo bia ang a, Land Revenue & Settlement Department ah survey nei tura dil nise tih a ni.

Minister Pu Lalnghinglova Hmar chuan thu sawiin, ‘Aizawl khawpui ṭhang chho zelah, Sairang lam atanga Vaivakawn a lirthei lo lut traffic jam nasa thin lutuk tih ziaawm a tul hle a. Tuna kawng ruahman hi a hlawhtlin theih chuan Vaivakawn, Luangmual leh Aizawl tlak lam veng zawng zawng tan a tangkai hle dawn a ni’ a ti a.

Vaivakawn Zohnuai atanga Rangvamual kawng siam tur enna leh sawihonaa tel Adviser to CM (Finance) Pu TBC Lalvenchhunga  chuan tuna kawngpui siam tumna chu a bial Aizawl West I tana kawng pawimawh a nih tur thu te, kawng zal tha nuam zawk awm saa siam tum phawt a finthlak tur thu te, kawng tlo leh tha siam tura ruahmanna fel neih a tul thute a sawi a.

He hunah hian PWD official te bakah Vaivakawn leh Luangmual Local Council leh khawtlang hruaitute an tel.