2889/2025-2026

Champhai, dated 13th January 2026: Sports & Youth Services Minister Pu Lalnghinglova Hmar chuan vawiin khan sports association hruaitute hovin New Champhai Multipurpose Ground a tlawh.

Minister Pu Lalnghinglova Hmar chuan he hmun hi nakin atana inkhelhna mual pawimawh tak a la ni dawn a, inelna sang tak tak khelhna tur a la ni dawn tih a sawi a. Champhai ta tur a nihna angin a enkawltu pawh Champhai an ni dawn a, tha taka lo enkawl turin a fuih.

Mizoram State Sports Council Secretary Pu Henry C. Lalrawnkima chuan project chungchang tlem a sawi bawk a, a project hming hi "Construction of Artificial Turf (Football) at New Champhai, Champhai, Mizoram" tih niin Pradhan Mantri Jan Vikas Karyakram (PMJVK) hnuaia project a ni. Project cost hi ₹12.01 crore a ni a, a thawktu hi Open Tender-a thlan tur niin January ni 15 hian hawn tan a ni ang. Rainwater harvesting tih theihna tur ruahman a ni bawk ang.