Ni 3.12.2016 (Inrinni) khan Labour Employment & Industrial Training Department hnuai a Mizoram Building & Other Construction Workers Welfare Board leh Central YMA tangkawpin a buatsaih thla khat awh Floor Tile Mistiri Training kharna Programme CYMA, Hall Tuikhuahtlang a neih chu LE&IT Minister Pu Lalrinmawia Ralte in a hmanpui.

Khuallian chuan Mistiri Training zo kalkhawm te chu fuihin ‘Training zawh hi in eizawnna bul tanna tur a ni a, hna thawhtur hmu tur chuan chhawrtlak in nih a ngai’ a ti. Work Culture tha a pawimawh thu sawiin ruaitu te zai ngai thiam a rinawm leh tih tak zet a thawk turin kalkhawm te chu a chah a. Khawvel leh India hmun hrang hrang a Construction Labour force mamawh na (Labour Demand) a san zel thu tarlangin tum tak tak tan chuan India leh khawvel hmun hrang hrang ah pawh hna thawh na hmun tur a tam thu a tarlang a ni. Hemi a tana kailawn pawimawh tak Spoken English leh Spoken Hindi zirna tur pawh Sawrkar in hmalak a tum chho mek a ni a ti.

Minister chuan Mizo Society a kan rilru sukthlek leh ngaihsan zawng pawh her danglam hret hret a hun tawh thu sawiin khawvelah hna hniam tak a awm loa, rinawmna nen a thawh chuan eng hna pawh thawk ila mi zahawm kan ni mai a ti. ‘Ram leh Hnam din khaw chhuahna tur a tan thalai hnathawh hreh neilo (youth workforce) kan mawmawh takzet a ni’ tiin Mizo thailaite chu thawh hreh neilo turin a chah bawk a ni.

Kharna inkhawm ah hian Floor Tile Mistiri Training zo mi 50 te hnenah Floor Tile cut na khawl leh Blade sem nghal a ni a. Kum 2016 chhung hian LE&IT leh CYMA, Sub-Hqrs YMA 5 leh group YMA branch 3 hnuai ah mi 700 in Cement leh Floor tile Mistiri Training hi an zir zo a ni.

Kharna inkhawm hi Pu Vanlalruata, Vice President CYMA in a kaihruai a, LE&IT Department Official te leh Trade Union hrang hrang a hruaitu ten an telpui a ni.