Ni 3 awh tur Tourism Department buatsaihThalfavang Kut-2016 Tuirial Airfiel a neih tur chu vawiin khan Pu Lalrinmawia Ralte, Minister EF&CC in a hawng.

khuallian chuan khawvel hmun hrang hrang ah Tourism kaltlanga inpholanna leh sum hailuh na remchang an siam thin a, chu chuan ei leh bar lama hmasawnna tamtak a thlen thu a sawi a. Mizo te pawh Pi leh Pu te hunlai atang tawh in Kut leh intihhlimna chi hrang hrang an lo neih thin angin, Tourism Department in Thalfavang Kut an buatsaih chu lawmawm a tih thu a tarlang. Mizo mipuite chu hlim taka kut hmang turin a sawm a, Tourism Sector pawhin kut chu a hlawkpui ngei a beisei thu a sawi bawk.

Hawnna inkhawm kaihruaitu  Pu TT Zothansanga, Parl. Secretary, Tourism Department pawh in thu sawiin, Thalfavang Kut chu nawmsip bawlna leh hlim hlawp chenna lam ni loin, Pathian in hlim min phalsak anga mi tin huap leh State chhung leh pawn atanga khualzin mite hipna atan a intihhlimna Kut a nih thu a sawi a. Kut chu Mizoram sawrkar sum ni lovin Sawrkar Laipui atanga  Tourism promote nana Mizoram sawrkar in a sum a dawn thin cheng nuai 50/- (Anthurium Festival nen)  senga buatsaih anih thu a tarlang bawk.

kut ah hian Handloom & Handicrafts Stall leh Food Courts a awm a,  intihhlimna leh ennawm chi hrang hrang Cultural Dance, Music Festival, Bike Stunt show, Archery, Rifle Shooting, Carnival, Powered Hang Glider, Hot Air Balloon leh a dangte buatsaih a ni a, December 17, Inrinni ah a tiak ang.