Nimin khan Pu Lalsawta, Planning leh Finance Minister chuan Agartala a Epitome Bamboowood Products showroom leh bamboowood procession plan a tlawh. 

Pu Lalsawta hi Epitome enkawltute Marketing Head leh wood engineering Head ten lo dawngsawngin Epitome Showroom leh processing plan chipchiar takin an fan pui a. Epitome lo din anih dan leh bamboowood products an kalpui dan presentation kimchang an nei a. An hmalak dan leh hnathawh dan kimchang takin Minister hi an lo enpui ani. 

Epitome hi Mutha Industries Pvt. Ltd in kum 2012 khan an din a,  Banboomwood Products ah pawh high end market bitum an ni a. An product hi mimal in, hotels, airport leh showroom hrang hrangah an hmang uar hle ani. An raw material atan Tripura, Meghalaya leh Assam atangin mau an la nasa hle a. Nitin truck trip 3-5 an process ziah ani.  

Minister hian Epitome hotute hi Mizoram mau rawn zir chiang turin leh Mizoram mau hmang ve ngei turin a sawm a ni. 

Planning Minister hi Dr C.Vanlalramsanga, Planning Secretary leh Tripura sawrkar hotu thenkhat ten an tawiawm ani.