Vawiin khan Aizawl East-II Assembly Constituency Bialtu MLA, Finance Minister Pu Lalsawta chuan a biala mi harsa zualte tan ama MLA Fund atanga a lei rangva thahnem tak a sem. 

Armed Veng South Community Hall-a rangva semna programme hmannaah Pu Lalsawta chuan thu sawiin sorkar chuan thil sem zawnga kal chu a duhdan a ni lova, mahni kea kal thei tura sualchhuak turin mipuite duh zawk thin mahse mihring dinhmun a inang lo em avangin mi harsa zualte tanpui nan sorkar chuan hma a la zawk mai thin a ni, a ti. MLA Fund chu tihpun niin cheng nuai 100 a ni tawh avangin a hmandanah pawh MLA-te chuan fimkhur lehzual an duh theuh a; a biala khawtlang hruaituten mipui mamawh tak taka an hriatte chu amah finchhuah nan hmangin ama MLA Fund ngei pawh dik leh tha taka a hman phah avangin lawmthu a sawi bawk. Minister chuan a biala mi harsa zual leh inchung siamthat nana rangva mamawh hmanhmawh mi 10 hnenah rangva a lo pek tawh nen, vawiina a sem chhungkaw 84 nen a zavaiin chhungkaw 94 hnenah rangva a sem a ni.