Vawiin khan PHE Department-in a kalpui Swachh Bharat Mission (Gramin) chuan E. Bungtlang-ah National Wide Sanitation Campaign (Swachhta Hi Seva) neiin chhungkaw tin, school leh vantlang ina dah tur Bawlhhlawh bawm 451 an sem a. Cheng nuai 10 senga bawlhhlawh paihna siamna tur Work Order chu Er. F. Lalsanglura, Sr. EE, PHED, Serchhip WATSAN Division chuan Pu J.Lalhmuakliana, Chairman Village Water & Sanitation Committee, E.Bungtlang hnenah a hlan nghal bawk. 

He hun hmanpuitu Er. F.Lalsanglura chuan kohhranin chhung lam thianghlimna a kalpui laiin Swachh Bharat Mission chuan pawn lam thianghlimna a kalpui ani a ti a,  PHE Department hi mipui vantlang hriselna (Public health) kalpuitu a nih angin thianghlimna atana pawimawh ber  tui lak hna a thawk È›hin a ni a ti a, tui hi thianghlimna atan a pawimawh avangin kan tui hnarte kan humhalh a, in lam mai bakah ram lama kan tui te khâwlna atan kan ram ngaw te humhalh a È›ul hle ani, a ti. Er. F.Sanglura chuan kan bawlhhlawh leh zun leh êkten tui a tih bawlhhlawh È›hin avangin hemi kawngah hian kan inthiar fihlim a ngai a ni tiin, thianghlimna nei turin khawtlang hruaitu te ringawtin an thawk thei lova, khawtlang mipui È›anrual a ngai a, hetihrual hian VC te pawhin khauh taka hma an lak pawh a È›ul a ni a ti bawk. 

He huna thusawitu dang Pu J. Lalhmuakliana, Chairman, VWSC chuan khawtlang vawnfai chu mipuite thil tih a ni a, khawtlang vawnfai kawngah mipuiten hma la chhunzawm zel se a duh thu leh bawlhhlawh bawm an sem chu a nihna ang taka hmang turin a dawngtute chu a chah a ni. 

Er. K.Lalrintluanga, Sr. SDO, Serchhip WATSAN Sub-Division kaihhruai inkhawmah hian hall khatin mipui an kal khawm a, chhungkaw 436 hnenah bawlhhlawh bawm an sem bakah Anganwadi 7, Primary School 4, Middle School 2, High School 1, Higher Secondary School 1, VC House, Bazar Branch YMA Library a dah tur nen a vaiin 451 sem a ni a, he hun hmanpui hian Serchhip ațangin PHE Deptt thawktute leh chanchinbumite an tel a ni.