Minister pu P.C. Zoramsangliana chuan vawiin khan a Department enkawl pahnih – Art & Culture leh Transport a officer-te nen a pisaah meeting an nei a. 12th Five Year Plan chhunga department hmalakna hak zauh dan turte chipchiar takin an sawiho.

Pu P.C. Zoramsangliana chuan, “Hmathlir thui tak nei chunga 5th Five Year Plan chhunga Art & Culture Department te, Transport Department kalphung turte uluk taka kan duan a ngai a. Kan kal dan pangngai piah lamah kan hnam ziarang humhalh leh chawisanna kawngah te, library te, museum te, music leh fine arts dan tihhmasawn dan tur chungchangah te, lirthei enkawl dan felfai zawk leh hmunhma ruahman kawngah te belhchiandawla ruahmanna kan siam thiam a tul a. Central sawrkar atanga sum haichhuahna tur project kan siam uar a tul em em bawk a ni” a ti.

He meting-ah hian 12th Five Year Plan chhunga Art & Culture department tana ruahmanna duan sa chu chipchiar taka sawiho a nih bakah, 11th Five Year Plan chhunga an hnathawh dante an thlirlet bawk a ni. Sawihonaah hian Art & Culture Secretary Pu P. Lalchhuanga hovin officer-te an tel a; Transport department officer-te chu Secretary Pu R. Lalvena’n a ho a ni.