Vawiin chawhma khan Pukpui to Kawmzawl Helipad kawng laih zauh hna thawh mek chu Minister leh bialtu MLA ni bawk Pu P.C. Lalthanliana’n a hmunah tlawhin a enfiah.

He kawngpui hi sawrkar leh kohhran hmun pawimawh te awmna a ni a, a zim deuh avangin bialtu MLA leh Pukpui VC te hmalaknain kawng laih zauh hna hi thawh a ni. Mimal ram tam tak lak hek niin, ram neitute hian zangnadawmna phut lovin  sawrkar, kohhran leh mipui vantlang te chhawr tangkai turin phal takin an ram an pe a ni. He kawng laih zauh mek hi a thawh chhunzawm dan tur bialtu MLA, PWD hotute leh Pukpui VC ten an en ho a ni.

State Institute of Rural Development (SIRD), Eklavia Model School, NIELET, Kawmzawl Helipad, Assam Rifles, Engineering College, Remand Home, Laldenga Park, 33KV Sub Station, Lunglei Greater Water Supply Scheme, HATIM leh Rescue Centre te panna kawng a ni a. He kawng  zauh tur hi km 3-a thui a ni.