No.1625/2020-2021

Vawiin chawhnu khan Land Resources, Soil & Water Conservation Minister Pu R.Lalzirliana’n a office chamber-ah Rubber & Allied Crops Development Board (R & ACDB) Vice Chairman, Serlui Bialtu MLA ni bawk Pu Lalrinsanga Ralte leh Board member-te meeting a neihpui.

Mizoram chhungah hectare singli leh sangruk vela zau-ah rubber chinna atan ram tha a awm, tih ngaithlak a ni a. Meeting hian chung ram tikhat tura rubber ching duh loneitute district tinah zawn chhuah ni se, NABARD loan atanga rubber plantation leh rubber processing project proposal pawm a nih chuan, hmalak nghal theih turin beneficiary list peih fel ni se, tih pawm a ni a.

COVID-19 hripui do let nan Governor, MLA te, sawrkar hnathawk leh mimal thahnem ngai te pawhin sawrkarah an hlawh leh thilpek sum chhunga tan an lak lai a nih avangin Mizoram Flagship Programme, Socio-Economic Development Policy (SEDP) atanga ruahmana, Board-in a neih thenkhat te pawhlet ni se, sawrkar kum thar atan Hmunphiah, Kuhva leh Sandalwood te ching duh loneitu list tun atanga lakkhawm ni bawk se tih rel a ni a. Land Resources, Soil & Water Conservation Department ten division hrang hrangah kuhva ching leh kuhva atanga sum leh pai an thawhchhuah zat te record nei tura rel a ni bawk a ni.