P& E Minister leh Bialtu MLA nibawk Pu R. Lalzirliana chuan vawiin khan (Sangtea Memorial) 1st Saitual District Volleyball Tournament 2019 a hawng. He tournament hi Minister fapa naupang ber Zothansanga(Sangtea) hriatrengna a nih angin Tournament buatsaihtute chungah chungkaw aiawhin lawmthu a sawi a.  

Minister Pu R.Lalzirliana chuan Sports ngaisangtu leh hmangaihtute an lo awm zel hi ram tan a hlu a, Health Department a mithiam ten damlohin min enkawl thin a; chutianga enkawl ngailoa awm tur chuan taksa hrisel mihringin kan neih hmasak angai a ni, a ti a. Hriselna tha nei thei tur chuan taksa vawng that hmasak a tul a, hriselna tel lo chuan nun a hlim thei thin lo, tiin a sawi a. Minister chuan Sports lamah players ten vision thui tak nei a, tan la zel turin a fuih a, hmalam zelah lu chhum ban chhum huama inelna lo la awm zel turah harsatna engpawh tawh huama tumruhna nei tur leh chhel taka tel turin infiammi te chu a fuih bawk a ni. 

He volleyball tournament ah hian Saitual town area atangte leh khaw thenawm khawlian,  Ngopa,  Thanglailung, Tualbung, Hliappui leh Mualpheng te atangin team 12 an lut a ni. He tournament hi Ni 16-20th  December chhunga neih tur a ni.

Bialtu MLAPu Lalzirliana hian December Ni 17 leh 18 te hian Tawi East huamchhunga heng khua - Maite,  Tawizo,  Mualpheng, Ruallung, Lenchim,  Rulchawm, Keifang leh Saitual-ah te kumin chhunga a mitthite ralna hun hmangin a bial a fang kual dawn bawk a ni