Vawiin hian Minister R. Romawia chuan bial fan chhunzawmin Durtlang Leitan a tlawh a. Durtlang Leitan YMA Hall-ah Local Council member leh NGO te bakah party mi ten an lo dawngsawng a. Khawtlang mamawh leh duh te an lo thlen bakah khawtlang hmasawnna atana an mamawhte an thlen bawk.

Minister chuan Office-a thut tama hun inpek tam a ngaih avanga Bial a tlawh zin theih loh avangin thupha a chawia, pawl hrang hrangte mamawh sawi chu ngaithlain a theih china hmalakpui tur leh mipuite pawh theihtawka khawtlang tana tha turah chuan tangrual turin a sawm bawk.

Durtlang Local Council Chairman Pu C. Lalrinmawia chuan bial fan inkhawm hi a kaihruai a, Minister in hun tha tak a rawn insiam thei chu lawmawm a tih thu leh Bialte a ngaihsak avangin lawmthu a sawi.

YMA Hall-a hun a hman zawh hian Minister chuan Durtlang Leitan Local council leh Welfare hrang hrangte hmalakna a hmunah enin a fangkual bawk.

Naktuk hian Bawngkawn South lam a fan chhunzawm leh ang.