Nimin zing dar 7 atang khan nilengin Pu S.Hiato,  Minister i/c PHE, Industries, Tourism etc. chuan Saiha Town Area chhunga veng pathum heng: SaihaTlangkawn, Meisatla leh Thingsen chhunga UD&PA hnuaia hnathawh hrang hrang te a hmunah en in  a tlawh. UD&PA hnuaia Scheme pahnih 10% Lump sum Scheme leh IHSDP (Integrated Housing and Slum  Development Programme ) hmang  hian Saiha Town Area chhung veng hrang hrangah  Rs nuai 1300 senga hnathawh mek a ni a. 10% Lump sum Scheme atang hian  Rs nuai 760 hmangin Culvert, Pavement, Tuikhur, Side Drain, Retaining Wall, Standard Field, Step, Road widening etc. te veng hrang hrangah tam tak siam tawh niin, la siam mek zel a ni.  IHSDP (Integrated Housing and Slum  Development Programme ) atang hian Rs nuai 540 hmangin chenna In 200 sak a ni a, tunah hian 150 sak zawh tawh niin, 50 chu sak mek a ni.

Minister hian UD&PA hnuaia hnathawh chi hrang hrang te  chu tha thawhkhat hle a a hriat thu sawi langin, veng chhung mipuite hian hnathawk thalo chu thuneitute hnenah thlen hreh lo se; chutiang bawkin hnathawk tha chu fak leh chawimawi hi i hreh lovang  u, a ti bawk. Minister chuan UD&PA hnuaia hnathawh hrang hrang hian Saiha khawpui a cheimawi piah lamah; a ti nuamin a ti him sawt hle a ni, a ti.

Pu S.Hiato chuan‘ tu te’n emaw “kum nga chhungin tun sawrkar hnathawh hmu tur a awm lo” an ti hi chu a  mak tih mai lo chu sawi tur pawh ka hre lo,  vengthum chhung lek a Department pakhat hmalakna pawh kan tlawhin; kan en seng lo chu a ni si a’ a ti bawk.

Minister hian Thingsen khuaa JNV (Jawahar Navodaya Vidyalaya) School sak mek chu a hmunah a en nghal a. He JNV school hi Pu Lianhmingthanga, Vaivakawn Aizawl contract niin, Pu Pa-uka, Saiha in a sak hna hi a thawk mek a ni. JNV School sakna tur cheng nuai Rs. 1400/- atangin cheng nuai Rs. 800/-chu  lakchhuah  tawh a nih thu minister hi hrilhriat a ni.

Minister Pu S. Hiato hi Pu RT Zachono, CEM, MADC  leh MADC-a athawhpui EM, MDC etc. te, Pu C.Malsawma, AE, UD&PA, chanchinbu mite leh V/C member thahnem takin an tawiawm a ni.