Tourism Minister Pu S.Hiato leh Pu H.Zothangliana, Parliamentary Secretary for Tourism te chuan vawiin khan Tourism Department Officer te kokhawmin inkawmna hun an hmanpui a. Minister Pu S.Hiato chuan Tourism Department chu hun kaltawh lama a lo ho tawh a nih avangin a mikhual loh thu a sawi a, neitu rilru tak tak pu in hma lak puiah a sawm nghal a ni. Parliamentary Secretary Pu Zothangliana te nen kan thawkho dawn a, Deptt. officer te chu project/scheme thar te siam a, inhawng tak leh thahnem ngai taka kawng thar, mipuite tana chhenfakawm tur zawh turin inpe tlang vek ang u, a ti bawk. Minister chuan intawiawm a, infinchhuah leh infuih tlang zel a hna thawk turin a chah bawk.
Pu Zothangliana, Parliamentary Secretary chuan kawng thar rawn zawh ve tan a nih laia, Deptt. duhawm taka a rawn lut chu lawmawm a tih thu sawiin, kawng engkima kaihhruaina, hriatthiamkna leh finchhuahna a mamawh thu a tarlang bawk a ni.