Vawiin chawhma dar 11 khan Pu Zodintluanga, Minister chuan a office chamber-ah a Department chan Urban Development & Poverty Alleviation hotute a kawm a, Department hmalak dan tur hrang hrang an sawi.
Pu Zodintluanga chuan UD & PA Deptt. chu khawpui chei leh tihfaina kawngah te mawhphurhna sang tak neitu an nih sawiin, “Tuna in chanvo a hma in lakna ah hian tih tur tam tak a awm a, hei aia tam hi kan khawih chho ho dawn a, dik tak leh rinawm takin kan ram siam turin taimak chhuah tlang turin ka sawm che u a ni,” a ti.
UD & PA Director Pu B.Darkhuma chuan an Department hmalakna leh kalphung te Minister hi a hrilh a, he Department hnuaia Wing hrang, Sanitation leh Town & Country Planning lam hotute pawhin an mamawh leh pawimawh dangte an tarlang a, Sanitation Department harsatna, sum indaih lohna avanga an hlawhfa te November leh December 2008 hlawh an pek theih loh chu Minister chuan ngaih pawimawh a nih tur thu a hrilh a, khawlai hmunphiatte hnathawh nan Uniform, kutkawr, hmai khuhna leh ruahsura an hak tur raincoat te pawh ngaihtuah theih dan awm se tih an rel bawk.
UD & PA te nen an meeting zawh hian Minister chuan he Meeting a lo tel NBCC hotute kawmna neiin, mipuiin an ngaihmawh em em Aizawl khawpui chhung kawng siam that hna chu furpui thlen hma ngeiin zo hman turin a hrilh a ni.
Chawhnu dar 1 khan Pu Zodintluanga chuan a Deptt. chan tho Sports & Youth Services hotute a kawm leh a, Department hmalak dan tur a sawipui.
Minister chuan, “Sports Department kal dan thar turah chuan Human Resource Development lam hmangin, Sports thei tak ni turin naupang kum 11-12 vel atangin Coaching pe in, an puitlin tak takah National Level leh International Level thleng pawh a lang tham tur chherchhuah kan tum dawn a, hetih lai hian tuna kan tih thin tam takah hian kan langlo ngam tur a ni a, nakina thil tak tak nei turin kan insum deuh a ngai dawn,” tin Sports & Youth Services hotute chu a hrilh.
Sports Director Pu Zoliana Royte pawhin an hmalakna chi hrang hrang leh mamawhte sawina a nei a, hengte bawhzui dan turte an rel ho a ni.
UD & PA Director Pu B.Darkhuma chuan an Department hmalakna leh kalphung te Minister hi a hrilh a, he Department hnuaia Wing hrang, Sanitation leh Town & Country Planning lam hotute pawhin an mamawh leh pawimawh dangte an tarlang a, Sanitation Department harsatna, sum indaih lohna avanga an hlawhfa te November leh December 2008 hlawh an pek theih loh chu Minister chuan ngaih pawimawh a nih tur thu a hrilh a, khawlai hmunphiatte hnathawh nan Uniform, kutkawr, hmai khuhna leh ruahsura an hak tur raincoat te pawh ngaihtuah theih dan awm se tih an rel bawk.
UD & PA te nen an meeting zawh hian Minister chuan he Meeting a lo tel NBCC hotute kawmna neiin, mipuiin an ngaihmawh em em Aizawl khawpui chhung kawng siam that hna chu furpui thlen hma ngeiin zo hman turin a hrilh a ni.
Chawhnu dar 1 khan Pu Zodintluanga chuan a Deptt. chan tho Sports & Youth Services hotute a kawm leh a, Department hmalak dan tur a sawipui.
Minister chuan, “Sports Department kal dan thar turah chuan Human Resource Development lam hmangin, Sports thei tak ni turin naupang kum 11-12 vel atangin Coaching pe in, an puitlin tak takah National Level leh International Level thleng pawh a lang tham tur chherchhuah kan tum dawn a, hetih lai hian tuna kan tih thin tam takah hian kan langlo ngam tur a ni a, nakina thil tak tak nei turin kan insum deuh a ngai dawn,” tin Sports & Youth Services hotute chu a hrilh.
Sports Director Pu Zoliana Royte pawhin an hmalakna chi hrang hrang leh mamawhte sawina a nei a, hengte bawhzui dan turte an rel ho a ni.
