3210/2022-2023

Aizawl the 10th January 2023 : Vawiin khan State Level Sub-Committee on Fire Prevention chu SAD Conference Hall, MINECO- ah Chairman Pu TJ Lalnuntluanga, Hon’ble Minister hovin kum 2023 chhunga Ramkang ven dan tur an rel a. Committee-ah hian a kaihhnawih Department engemawzat leh environment based NGOs te member an ni a, meeting-ah hian an kal tha hle.

Mizorama ramkang tam ber hi Lo, Leipui leh Huan hal atangin a ni a. Kum danga lo tih thin tawh angin Committee hian kumin 2023 a ramkang ven anih theih nan Fire Prevention week hi Dt.6.02.23 – 10.02.23 inkar hian hman nise, Lo hal theih hun chhung ni hnuhnung ber pawh 15.3.2023 ni se tih a ni. Lo hal avanga Thlawhna service tibuai thei pumpelh nan Lengpui khaw chhehvelte chuan chhawhnu dar 3.30PM hnulamah chauh hal se tih a ni bawk.

Kumin thal chhung kangmei chhuah hlauhawm lai hian Ramkang chungchang Awareness Campaign District hrang hrangah nasa lehzuala neih ni se. State Level Award - District inelna leh District chhunga khuate kangmei ven that kawnga inelna pawh siam chhunzawm ni se tiin an rel a ni.