3209/2022-2023

Aizawl the 10th January 2023 : January ni 6 (Zirtawpni) khan Aizawl Bawrhsap pisaah Aizawl Bawrhsap Dr Lalhriatzuali Ralte kaihhruaiin District Level Monitoring and Implementation Committee for Centrally Sponsored Project for ‘Computerisation of Primary Agricultural Credit Societies (PACS)’ chu an thukhawm a. Aizawl District chhunga PACS 10 te chu computerised tura thlan an ni.

PACS computerised tura thlan te hi District Level Monitoring and Implementation Committee in rawtna a thlen angin State Level Monitoring and Implementation Committee ah a lut ang a, State Level Committee hian NABARD ah rawtna chu an thehlut dawn a ni.

Cooperative Societies a tam thei ang bera veng tin leh khaw tina din tum a ni a. Heng society te hi PACS kalpui thei an nih phei chuan mipui mimir leh harsa zawkte, eizawnna mumal zawk tan tur te leh loan laka harsatna tawk te tan a tangkai hle a. Department official te leh Cooperative Union ten chak zawka mipui zirtirna pek leh inhrilhriat a pawimawh zia leh tan lak a tul zia te he meeting-ah hian sawilan a ni.