4012/2022-2023

Champhai, the 28th March, 2023: Law & Judicial Minister Pu T.J. Lalnuntluanga, Champhai South bialtu MLA chuan vawiin chawhnu dar 1 khan Urban PHC Champhai Vengthar ami chu tlawhin hmalaknate a enfiah a. Oxygen Concentrator a hlan nghal bawk.

Minister hi Dr. PC Lalhmingliana, CMO Champhai, Dr. Vanzarliani, SMO Champhai leh khatlang hruaitu ten an tawiawm a. Urban PHC ah hian Dr. Samuel Laldinthara, Medical Officer (MO) leh a thawhpuiten lo dawngsawngin MO hian Urban PHC hmalakna leh hnathawh dan tlangpui report a pe a, mamawhte a lo thlen bawk.

Law & Judicial Minister chuan Champhai Vengthar Urban PHC mamawh hrang hrang lo thlente chu theihtawp chhuaha hmalakpui a tum thu sawiin, a hmunhma tih changtlun dan tur chungchanga inrawnkhawmna karleh Nilaini-ah neih leh nise tih a ni.

Champhai Vengthar Urban PHC hi kum 2021 March thlaa bultan a ni a. Tun dinhmunah thawktu Doctor - 1, Staff Nurse - 3, Health Worker - 2, Group D - 2, Pharmasist - 1, Lab. Tech  -1, Accounts Clerk - 1 (an vaiin mi 11) an awm mek a ni.