4013/2022-2023

Ni 2 awh tur National Conference on Tourism in Mission Mode, New Delhia ni 28-29 March 2023-a neih mekah Pu Robert Romawia Royte, Tourism Minister a tel.

He hunah hian Union Tourism Minister G Kishan Reddy leh Union Minister of State for Tourism Ajay Bhatt leh Sripad Naik te bakah State Tourism Minister hrang hrang te bakah Tourism Industry-a mi pawimawh dangte an tel.

He hunah hian Pu Robert Romawia Royte chuan Mizoram-in Responsible Tourism Policy 2020 a lo neih tawh hmanga responsible & sustainable tourism chu thingtlang khaw hrang hrangah kalpui a nih mek thu te, Ministry atanga tourism infrastructure development hrang hrang te hmangin Mizoramah nasa zawka tourism hmasawnna kalpui mek a nih thu te sawiin, Tourism Department chuan mirethei te thleng phak hmasawnna a neih a ngaih thu te a sawi bawk.

Tourism Minister chuan Ministry of Tourism-in tourism hmasawnna Mission Mode a kalpui a tum thu chu lawmawm a tih thu a sawi a. Tourism chuan tum leh hmathlir felfai tak nei chunga a kal chuan ram leh mipui ten hlawk zawkin tourism hmasawnna an chhawr thei ang a ti bawk.

Tourism Department hian Best Innovative Practices under Swadesh Darshan-ah Thenzawl Golf Course Cafeteria chuan Runner Up lawmman a dawng bawk a ni.

Tourism Minister hi Pu V.Lalengmawia, Joint Secretary, Tourism Department-in a tawiawm a ni.

Attachment

  • Loading attachment...