Sorkar thilpawimawh chi hrang hrang thawka zin Transport, Art &Culture leh Printing &Stationary changtu Minister Pu PC Zoram Sangliana chuan vawiin khan tluang takin Aizawl a lo thleng.

Pu PC Zoram Sangliana hian June ni 7 khan Aizawl chhuahsanin Shillong, Guwahati, Kolkata leh Vishakapatnam a tlawh a. Kolkalta a cham chhung hian Kalamandir Auditorium-a Bharat Nirman Award Distribution vawi 19-na, June ni 16 a neih chu hmanpuiin khuallian a ni a. June ni 13 khan YMCA khawmpuilian, XXXIII Triennial Convention of the National Council of YMCA, Vishakhapatnam-a neihah a tel a, YMCA National Council ah Vice President atan hneh taka thlan tlin a ni nghe nghe. Shillong khawpuiah June ni 13 khan Mizo Students Union website thar a hawng a, hemi ni vek hian Guwahati-ah North Eastern Council Secretary nen sorkar thilpawimawh sawiin an inkawm bawk a ni.