Ni hnih cham tura lo kal Ministry of Health & Family Welfare Secretary cum Mission Director NHM Pu C.K. Mishra chuan vawiin chhun dar 12:30 khan Mizoram a lo thleng. Pu C.K. Mishra hi Dr. K.Lalbiakzuala, Mission Director, NHM in Lengpui Airport-ah lo hmuakin tluang takin Aizawl thlenpui a ni.

Duan lawk angin Pu C.K. Mishra hian vawiin tlai dar 4:30 khan Chief Minister Pu Lal Thanhawla leh Health Minister Pu Lal Thanzara te nen CM Bungalow-ah inkawmna hun an hmang a. Pu Arun Goyal, Principal Secretary, Health & Family Welfare in zanriah a buatsaih chu an kil ho nghal a ni.

Pu Mishra ho vek hian March ni 12, 2015 hian Aizawl Club-ah National Health Mission hawnna hun hman tur a niin hemi ni vek chawhnu lamah Aibawk PHC tlawhin a chhuak ang a, kal pahin Melriat Sub-centre tlawh in a fang nghal ang a, hemi hnu hian ama puala Aijal Club-a Cultural Function leh zanriah buatsaih ah a kal leh nghal dawn a ni.

Mission Director NHM Pu C.K. Mishra hian March ni 13, 2015 hian Lengpui Airport atangin Mizoram a chhuahsan leh dawn a ni.