1857/2022-2023
Lunglei the 8th September' 2022: Vawiin khan Pu Donny Lalruatsanga, Addl. Deputy Commissioner, Lunglei kaihhruaiin ama office chamber ah Govt. of India Ministry of Jal Shakti, Department of Water Resources, River Development & Ganga Rejuvenation hnuaia Lunglei District a tui hna humhalh leh tihpun lama hma la tha te tan 4th National Water Awards dil theih dan chungchang meeting neih a ni.

Pu H. Lalramenga, SDC chuan Govt. of India Ministry of Jal Shakti, Department of Water Resources, River Development & Ganga Rejuvenation in tuihna kang mek zel hi daihzai tak leh tangkai thei ber tur a kan humhalh a ngai tak zet , tuihna humhalh lam a tangkai tak a lo thawk tawhte an hna thawh that hriatpui nan te, mipuite tui renchem leh kan tuihna te humhim kawnga chawhphur nan Department of water Resources, River Development and Ganga Rejuvenation chuan 4th National Water Awards hi a buatsaih a ni, a ti a. Department of Water Resources, River Development & Ganga Rejuvenation chuan tuihna humhalh leh tihpun lama hma la tha te tan Awards hrang hrang sawmpakhat- Best State, Best District, Best Village Panchayat, Best Urban Local Body, Best Media (Print & Electronic), Best School, Best Institutioan for Campus usage, Best Industry, Best NGO, Best Water User Association leh Best Industry for CSR Activities ah te hian a dil theih a, Best State leh Best District ah te hian Awards 3 awmin Awards dang ah te hian lawmman pawisa fai (1) Rs 2 lakhs, (2) Rs 1.5 lakhs, (3) Rs 1 lakh bakah Trophy leh Citation a keng tel a, heng Awards ah te hian criteria hrang hrang leh mark putdan a awm thu a tarlang a ni.

Meeting chuan Lunglei District ah Best District, Best Village Panchayat, Best Media (Print & Electronic), Best School, Best Institution for Campus usage, Best NGO ah te hian dil ve nise tiin a rel a, buaipuitu tur te pawh ruat nghal an ni. Diltu te chuan ni 13 September, 2022 hmain DC office, Lungleiah soft leh hard copy 6 thehluh tur a tih a ni.