1858/2022-2023
Mamit 8th September, 2022 : Vawiin khan DC Conference Hall, Mamit-ah Pu Lalnunhlua, Chairman District Level Cleanliness Week Committee/District Bawrhsap hovin Mizoram Cleanliness Competition 2022 hmalak dan tur sawiho-a thutkhawm a ni.

Meeting hian Cleanliness Competition 2022 atana Mamit khawpuiin lawmman a lak ngei theih nan theihtawpa hmalak nise tih a ni a, inbuatsaihna tur hrang hrang sawiho zui nghal a ni, Mamit khawpui chhung Village Council hrang hrangte hmalakna-in vengtina sanitation committee chu a tul dan a zira tihlen nise tih a ni. Village Sanitation Committee-te hian mahni vengchhung theuhah faina kalpuina kawngah uar zawka hmalak nise tih a ni bawk.

Cleanliness Competition 2022 pual inbuatsaihnan hian khawpui chhung VC hrang hrangte chu a meikhu chhuaka hnatlan nise tih a ni a, hnatlang hi September ni 19 hnulamah mahni remchan hun tinzawna lo ruahman turin VC tinte hrilhhriat an ni.

Vawiin meeting-ah hian Swachh Ranking Competition, 2022 atana inbuatsaihna thlirho nghal niin, Sawrkar Officials, Khawtlang hruaitu, Tlawmngaipawl mawhphurhna leh chanvo hrang hrang in pek a ni.

Meeting-ah hian Mamit Town Sanitation Task Force Committee members te an tel tha hle a ni.

Attachment

  • Loading attachment...